Novas - Grupo Brétema

1 DE MARZO, ACCIÓN POÉTICA "POESÍA EN LAS LUNAS"

2012-02-13T12:27:00.002+01:00

“Poesía en las lunas”
-1 de Marzo-

En estos tiempos de CRISIS no pretendemos que cambies… simplemente que seas tú. Sé feliz y VIVE

La acción poética Poesía en las lunas se celebrará el día 1 de marzo. Consiste en poner poemas en las lunas de los coches de todas las ciudades españolas y del mundo (no todo van a ser multas), para que la gente y los versos viajen a sitios mejores... ¿te apetece participar?

Sólo es necesario hacer una selección de poesías o de fragmentos de poesías (para que el mensaje sea más directo es mejor que no tengan más de diez versos), imprimirlas o escribirlas y ponerlas cuidadosamente bajo el limpiaparabrisas de los coches de tu ciudad o pueblo. Las poesías pueden ser propias o de otros autores.

Existe un grupo en Facebook creado para ir organizando la acción y colgar después las fotos, videos, óleos, esculturas... que ilustren el desarrollo de la acción por esos mundos, se llama "Poesía lunática"...

Este es el grupo, Poesía lunática, para comentar y para exponer lo que vaya surgiendo de las ideas creativo revolucionarias de cada uno:

http://www.facebook.com/groups/347296441957624/

La participación es libre y los únicos objetivos son hacer sonreír, pensar o soñar a las personas que encuentren en sus coches los poemas y divertirse con la poesía de una nueva forma.

Xº Xuntanza Poética "MESA DAS VERBAS"

2011-12-07T12:03:00.002+01:00

Este xoves, 8 de nadal, ás 21,00 h., terá lugar a Xª Xuntanza Poética "MESA DAS VERBAS", orgaizada polo Liceo Casino de Vilagarcía de Arousa.

Día Mundial en Recordo das Vítimas de Accidentes de Tráfico

2011-11-14T11:46:00.003+01:00

O Alcalde do Concello de Vigo,

Abel Caballero Álvarez

ten a honra de invitala/o, a vostede e aos seus asociadas/os, a participar nos actos organizados co gallo da celebración do Día Mundial en Recordo das Vítimas de Accidentes de Tráfico

l Venres 25 de novembro, as 18:00 horas, no auditorio do Centro Cívico de Teis. Entrada libre ata completar aforo (300 persoas): Proxección documental “Dous de vintetantos. Contra a indiferencia e o esquecemento”, dirixido e producido por Manu Mayo. Será presentado por Jeanne Picard, Delegada en Galicia da ONG STOP Accidentes.

l Domingo 27 de novembro, a partir das 10:00 horas, acto central do Día Mundial en Recordo das Vítimas dos Accidentes de Tráfico

10:00 horas: marcha ciclista cun percorrido de 9 km., con saída dende Montero Ríos e chegada a Praza do Rei. Concentración no punto de saída a partir das 9:30 horas

11:00 horas: marcha motorista, con saída dende o Parque da Guía e chegada a Praza do Rei. Concentración no lugar de saída a partir das 10:30 horas

11:40 horas (Praza do Rei): Concentración en Recordo das Vítimas de Accidentes de Tráfico

Reciba un cordial saúdo

Vigo, novembro 2011

Achégase programa completo coas actividades paralelas que se celebrarán durante a semana do 21 ao 27 de novembro

Edición IX MESA DAS VERBAS

2011-10-27T10:19:00.001+02:00

O venres 28 dos correntes, ás 21:00 h. e nas instalacións do Liceo Casino, R/Castelao, 5 de Vilagarcía de Arousa, estamos de parto, celebramos a IX Mesa das Verbas, encontro poético que vimos celebrando puntualmente dende hai nove meses, cun embarazo e un parto a término gozoso. Compartimos a ledicia de parir versos. Agora toca mimar, coidar e desexar longa vida ao neonato.

Desexamos contar con todos no alumbramento, oficiará a palabra chea de sentimentos e emocións de todos os poetas e amantes da poesía presentes. Ofreceremos unha reportaxe a xeito de ecografías dos pasados meses, a través do ecógrafo, blog dos amigos da Asociación Poética "Brétema" de Vigo. Feliz parto.

Xermán Torres - Vcpte. e Secretario de Actividades Culturais do Liceo Casino de Vilagarcía de Arousa.

BASES DO XXIV PREMIO DE POESÍA EUSEBIO LORENZO BALEIRÓN 2011

2011-07-28T15:46:00.004+02:00

1. O Concello de Dodro, para honrar a memoria do seu ilustre poeta e contribuír á promoción da poesía galega, manifestación sobranceira da nosa literatura, convoca a XXIV edición do PREMIO EUSEBIO LORENZO BALEIRÓN.

2. Poderán concorrer a este certame as poetas e os poetas que o desexen, con cadanseu libro escrito en lingua galega, segundo a normativa vixente.

3. Os poemarios aspirantes ao premio serán de tema e forma libres, cunha extensión mínima de 500 versos e máxima de 800. Deberán ser orixinais e estar inéditos na súa totalidade, condición que se estende ao soporte dixital. No momento do fallo do certame, non poderán estar presentados a ningún outro concurso.

4. Os participantes deberán enviar 4 exemplares da obra, mecanografados, sen remite identificador, ó seguinte enderezo:

"XXVI Premio de Poesía Eusebio Lorenzo Baleirón”

Concello de Dodro

Tallós, 32

15981 Dodro- A Coruña

5. As obras concursantes deberán ostentar o título e un lema, que tamén figurará no exterior dun sobre que conteña a fotocopia do DNI do autor ou autora, o seu teléfono e enderezo, así como un pequeno currículo literario, no caso de que teña obra publicada.

6. O prazo de presentación das obras remata o día 13 de novembro do ano 2011.

7.A dotación do Premio, único e indivisible, será de 2.300 euros. Se o xurado o considera oportuno, pola baixa calidade dos libros presentados, o premio poderá ser declarado deserto.

8.O xurado será designado polo Concello de Dodro. Formarano o presidente e o secretario –este, con voz e sen voto-, ambos membros da Corporación Municipal, e catro especialistas vencellados á poesía e/ou á crítica literaria. A composición do xurado farase pública cando remate o prazo de admisión de orixinais.

9. O fallo será dado a coñecer nun acto que se celebrará na Casa da Cultura do Concello de Dodro o día 10 de decembro de 2011. A entrega do premio realizarase o día 18 do mencionado mes. As obras non premiadas serán devoltas aos autores que as soliciten no prazo dun mes a contar do día do fallo.

10. A obra galardoada publicarase dentro da Colección de Poesía "Eusebio Lorenzo Baleirón" da Editorial Sotelo Blanco, que se reserva os dereitos de edición. A contía do premio será considerada como un adianto dos dereitos de autoría. O autor ou autora recibirá gratuitamente 25 exemplares.

11. A participación nesta convocatoria implica a aceptación das bases e a interpretación que delas faga o xurado, non admitíndose recurso contra a decisión que este nas suas funcións adopte.”

IV CERTAME DE POESÍA "VICTORIANO TAIBO"

2011-04-22T13:34:00.004+02:00

O Instituto de Estudos Miñoranos e a Entidade Local de Morgadáns convocan o IV Premio de Poesía Victoriano Taibo – Entidade Local de Morgadáns ao que poderá concorrer calquera autor que envíe, antes do 30 de xullo de 2011, ao enderezo Apartado 30, 36380, Gondomar, un libro de poemas escritos en galego cunha extensión mínima de 300 versos. O premio está dotado con 3.000 €, unha peza escultórica do artista miñorán Fino Lorenzo, creada especialmente para este certame, e a publicación da obra premiada na colección Victoriano Taibo do IEM; o galardón será entregado nun acto cultural que se celebrará no edificio das Escolas de Guillufe (Morgadáns) na 2ª semana de novembro do mesmo ano.

Pódense consultar as bases no enderezo http://www.minhor.org/premio-victoriano-taibo da web do IEM.

Victoriano Taibo foi unha figura sobranceira nos dous primeiros terzos do século XX. Mestre de profesión, tivo unha importante actividade cultural e foi membro da Real Academia Galega e do Instituto de Estudos Históricos do Minho. Publicou en vida os poemarios Abrente (1922) e Da vella roseira (1925) e a obra narrativa Da agra aberta, contos e lêndas (1956); deixou inéditos dous volumes de poesía, Abicedo e Cabrinfollas, que foron publicados en 2008. Conta con abundante obra espallada en diversas publicacións tanto galegas como da emigración americana.No ano 2007 recibiu unha homenaxe en Morgadáns, lugar onde exerceu a súa docencia durante 20 anos, organizada polo IEM e a Entidade Local de Morgadáns, e con tal motivo reeditouse Da agra aberta e publicouse unha Revista monográfica sobre o personaxe.

III XUNTANZA POÉTICA "MESA DAS VERBAS" Orgaizada polo Liceo Casino de Vilagarcía de Arousa

2011-03-30T18:00:00.002+02:00

Este venres, 1 de abril, ás 21,00 h. do serán, terá lugar a III Xuntanza Poética "Mesa das Verbas" que, organizada polo Liceo Casino de Vilagarcía de Arousa, contará coa seguinte participación:

- María Palacios (Grupo Brétema de Vigo)
- Ángeles Conde
- Concepción Estevam
- Tito Porto
- Antonio Quiñoy
- Mª Teresa Manero
- Carmen Darriba (Grupo Brétema de Vigo)
- Xermán Torres
- Alfonso Saavedra
- Jean Carballo (Grupo Brétema de Vigo)
- Daniel Fernández
- Ramón Torrado
- Rafael Gómez (Grupo Brétema de Vigo)
- Antonio Pinedo
- Teresa Cariño (Grupo Brétema de Vigo)
- Andrea Fernández Maneiro
- Manoel Xosé de Olveira (Grupo Brétema de Vigo)
- Jesús Recio
- Miguel Correa (Grupo Brétema de Vigo

Actuación especial del pianista Javier Vila Alonso y de Enrique Brumbeck (Rapsoda)

Recital Poético “Homenaxe a Serxio López- Corona Martínez”

2011-03-15T21:45:00.004+01:00

Recital Poético

“Homenaxe a Serxio López- Corona Martínez”

O próximo día 25 de marzo, ás 6 do serán, terá lugar o Recital Poético en Homenaxe a Serxio López, ex compoñente do Grupo Brétema falecido recentemente.

Intervirán os compoñentes do Grupo Brétema, que contarán coa colaboración especial da Coral Polifónica do Centro Social Rivera Atienza, á que Serxio tamén pertenceu.

O acto celebrarase no Centro Cultural do Calvario, sede social do Grupo.

Recital Poético

“Homenaxe a Serxio López- Corona Martínez”

El próximo día 25 de marzo, a las 6 de la tarde, tendrá lugar el Recital Poético en Homenaje a Serxio López, ex componente del Grupo Brétema fallecido recientemente.

Intervendrán los componentes del Grupo Brétema, que contarán con la colaboración especial de la Coral Polifónica del Centro Rivera Atienza, a la que Serxio también perteneció.

El acto se celebrará en el Centro Cultural del Calvario, sede social del Grupo.

II Xuntanza Literaria "MESA DAS VERBAS"

2011-02-15T14:41:00.003+01:00

O vindeiro luns, 21 de febreiro, ás nove da noite, terá lugar a II Xuntanza literaria “MESA DAS VERBAS” que, orgaizada polo Liceo Casino de Vilagarcía de Arousa, contará coa presenza d@s seguintes poetas e poetisas:

- María Palacios (Grupo Poético Brétema/ Vilagarcía)

- Alfonso Saavedra (Vilagarcía)

- Andrea Fernández Maneiro (Vilagarcía)

- Gonzalo Bouza Brey (Vilagarcía)

- Rafael Gómez Fariña (Grupo Poético Brétema/ Vigo)

- Jesús Recio (Vilagarcía)

- Jean Carballo (Grupo Poético Brétema/ Vigo)

- Xermán Torres (Vilagarcía)

- Carmen Darriba (Grupo Poético Brétema/ Vigo)

- Tito Porto (Vilagarcía)

- Salvador Alcalde “O Rinreiro” (Vilagarcía)

- Teresa Cariño (Grupo Poético Brétema/ Vigo)

- Manoel Xosé (Grupo Poético Brétema/ Vigo)

Asimesmo contarase coa intervención do rapsoda, José González Moreno e do pianista Germán Jesús Torres Sánchez.

XIV Concurso de Poesía Concello de Carral

2011-01-22T23:44:00.005+01:00

BASES

1.‐ Poderán optar ao premio todos os autores/as maiores de idade e de calquera nacionalidade, sempre que o seu traballo se presente escrito en lingua galega. Non poden participar anteriores gañadores/as deste concurso.
2.‐ Fíxase un premio único de 2.000 euros. O xurado pode declarar deserto o premio. Sobre a contía do premio aplicaranse as retencións fiscais oportunas.
3.‐ Os traballos serán orixinais, inéditos e non premiados noutros concursos no momento das deliberacións do xurado (os autores dos traballos premiados deberán comunicarllo de xeito inmediato á organización), e cunha extensión non inferior aos 400 versos. Os traballos presentaranse por triplicado, mecanografados a dobre espazo por unha soa cara, e debidamente grampados ou encadernados; achegados de sobre pechado no que conste no seu exterior o título da obra e o lema ou alcume do autor, contendo no interior o seu nome e apelidos, NIF, enderezo, número de teléfono e correo electrónico.
4.‐ As obras presentaranse na Biblioteca Pública Municipal de Carral (Casa da Cultura, Rúa de Paleo, 17, 15175, Carral, A Coruña).
5.‐ O prazo de admisión de orixinais rematará o 31 de marzo de 2011.
6.‐ As deliberacións do xurado son secretas, e delas estenderase a acta correspondente. A decisión do xurado farase pública na segunda quincena do mes de abril.
7.‐ O xurado estará presidido polo Alcalde do Concello de Carral ou concelleiro ou concelleira no que delegue, e formarán parte do mesmo persoas de recoñecido prestixio no eido da poesía galega e o autor gañador da edición anterior deste concurso; e actuará como secretario o técnico municipal de Cultura do Concello de Carral.
8.‐ O título do traballo gañador e o nome e apelidos do seu autor/a daranse a coñecer mediante comunicación persoal (chamada telefónica) ao autor/a premiado/a, na web municipal, así como no taboleiro de anuncios da Casa da Cultura do Concello de Carral (Rúa de Paleo 17, Carral).
9.‐ Establécese un período de dez (10) días desde a decisión do xurado para presentar alegacións á citada decisión. As reclamacións, que se tramitarán ante o Rexistro municipal de Carral, serán valoradas polo xurado.
10.‐ O Concello de Carral reservarase o dereito de publicar a obra gañadora.
11.‐ As obras non premiadas poderán ser retiradas polos seus autores ou polas persoas nas que deleguen, no prazo dun mes contado desde o día seguinte ao fallo do xurado. Non se devolverán traballos por correo nin por empresas de mensaxes. As obras que non sexan retiradas no prazo indicado, destruiranse.
12.‐ Corresponde ao xurado a interpretación das presentes bases.
13.‐ A participación nesta convocatoria supón a total aceptación das presentes bases.

MESA DAS VERBAS

2011-01-19T18:08:00.001+01:00

O Venres 21 de Xaneiro, ás 20,30 do serán, terá lugar a Primeira Xuntanza Literaria a celebrar no Salón de Actos do Liceo Casino de Vilagarcía de Arousa, que baixo o nome de “MESA DAS VERBAS” pretende funcionar de xeito periódico. En esta primeira xuntanza participarán poetas e poetisas da zona do Salnés e compoñentes do Grupo Poético Brétema de Vigo. Entre outros participarán: María Palacios, Andrea Fernández (Ney), Manoel Xosé, Suso Recio, Salvador Alcalde, Jean Carballo (José Ángel Carbajal), Rafael Gómez Fariña , Xosé Lois Vila (Cronista oficial de Vilanova de Arousa) e Xermán Torres. Será un acto aberto ó publico en xeral.

[SaudArte] Convocatoria de Arte Postal - QUEREMOS SAUDARTE

2010-10-14T12:48:00.001+02:00

[SaudArte] Convocatoria de Arte Postal - QUEREMOS SAUDARTE

Saúdanos ti tamén
e mándanos a túa visión da saúde...

A Universidade de Vigo, por medio da Unidade de Cultura Científica e o Grupo
de Investigación de Medicina Preventiva e Saúde Pública MP1, coa
financiación da Fundación Española para la Ciencia y la Tecnología (FECYT),
e en colaboración coa Asociación Galega de Educación para a Saúde, co
colectivo Medicina e Arte, con Boek 861 e con Psicotrex, convocan un certame
de Arte Postal coa saúde e a arte como fío condutor:

SaudArte 2010

no que se busca que os participantes amosen a visión que teñen sobre a saúde
dun xeito creativo, co único condicionante de que as obras podan ser
enviadas utilizando os medios postais e electrónicos habituais. Trátase
dunha actividade creativa e positiva, que combina arte, ciencia e sociedade,
e busca establecer un espazo aberto no que as persoas xoguen un papel
fundamental.

As bases da convocatoria e un cuestionario sobre hábitos saudables están
dispoñibles na web de Saudarte 2010:

http://webs.uvigo.es/saudarte

Podedes remitir as vosas obras antes do 31 de outubro a:

Convocatoria de Arte Postal 'SaudArte'
A/A de Lourdes Maceiras
Área de Medicina Preventiva e Saúde Pública
E.U. Fisioterapia
Campus Universitario
36005 Pontevedra

Ou por correo electrónico a: saudarte@uvigo.es

Animámosvos a participar nesta iniciativa de promoción da saúde a través da
arte.

[ Información sobre Arte Postal:
http://webs.uvigo.es/mpsp/medicarte/artepostal/artepostal.htm ]

XXIII PREMIO DE POESÍA EUSEBIO LORENZO BALEIRÓN

2010-10-08T01:37:00.002+02:00

BASES

1. O Concello de Dodro, para honrar a memoria do seu
ilustre poeta e contribuír á promoción da poesía
galega, manifestación sobranceira da nosa literatura,
convoca a XXIII edición do PREMIO EUSEBIO
LORENZO BALEIRÓN.

2. Poderán concorrer a este certame as poetas e os
poetas que o desexen, con cadanseu libro escrito en
lingua galega, segundo a normativa vixente.

3. Os poemarios aspirantes ao premio serán de tema e
forma libres, cunha extensión mínima de 500 versos e
máxima de 800. Deberán ser orixinais e estar inéditos
na súa totalidade, condición que se estende ao
soporte dixital. No momento do fallo do certame, non
poderán estar presentados a ningún outro concurso.

4. Os participantes deberán enviar 4 exemplares da
obra, mecanografados, sen remite identificador, ao
seguinte enderezo:
"XXIII Premio de Poesía Eusebio Lorenzo Baleirón"
Concello de Dodro
Tallós, 32
15981 Dodro - A Coruña

5. As obras concursantes deberán ostentar o título e un
lema, que tamén figurará no exterior dun sobre que
conteña a fotocopia do DNI do autor ou autora, o seu
teléfono e enderezo, así como un pequeno currículo
literario, no caso de que teña obra publicada.

6. O prazo de presentación das obras remata o día 13 de
novembro do ano 2.010.

7. A dotación do Premio, único e indivisible, será de
2.300 euros. Se o xurado o considera oportuno, pola
baixa calidade dos libros presentados, o premio
poderá ser declarado deserto.

8. O xurado será designado polo Concello de Dodro.
Formarano o presidente e o secretario –este, con voz
e sen voto-, ambos membros da Corporación
Municipal, e catro especialistas vencellados á poesía
e/ou á crítica literaria. A composición do xurado farase
pública cando remate o prazo de admisión de orixinais.

9. O fallo será dado a coñecer nun acto que se celebrará
na Casa da Cultura do Concello de Dodro o día 11 de
decembro. A entrega do premio realizarase o día 19
do mencionado mes. As obras non premiadas serán
devoltas aos autores que as soliciten no prazo dun
mes a contar do día do fallo.

10. A obra galardoada publicarase dentro da Colección
de Poesía "Eusebio Lorenzo Baleirón" da Editorial
Sotelo Blanco, que se reserva os dereitos de edición.
A contía do premio será considerada como un adianto
dos dereitos de autoría. O autor ou autora recibirá
gratuitamente 25 exemplares.

11. A participación nesta convocatoria implica a
aceptación das bases e a interpretación que delas
faga o xurado, non admitíndose recurso contra a
decisión que este nas suas funcións adopte.

XIV Premio de Poesía Johan Carballeira

2010-09-30T16:30:00.001+02:00

CONCELLO DE BUEU XIV PREMIO DE POESÍA JOHÁN CARBALLEIRA

B A S E S
1. Poderán concorrer a el tódalas autoras e
autores que presenten os seus orixinais escritos
en lingua galega. Os textos, cuxa extensión
deberá superar os 400 versos, terán que ser
inéditos e non estar premiados en anteriores
convocatorias do premio nin en ningún outro
concurso de poesía (de suceder isto con posterioridade
á presentación dos traballos, o/a
autor/a deberá comunicarllo inmediatamente á
organización).

2. Presentaranse 3 copias en tamaño folio,
mecanografadas a dobre espazo, numeradas e
grampadas ou encadernadas. Estas deberán vir
identificadas cun lema. Xunto coas copias achegarase
un sobre pechado, identificado co mesmo
lema, que conterá os seguintes datos: nome e
apelidos do/a autor/a, DNI ou pasaporte, enderezo,
número de teléfono e correo electrónico.

3. As obras presentaranse en sobre pechado,
coa indicación “XIV PREMIO DE POESÍA
JOHÁN CARBALLEIRA” e sen remite, no
seguinte enderezo: CONCELLO DE BUEU, rúa
Eduardo Vincenti, nº 8, 36930 Bueu
(Pontevedra).

4. O prazo de presentación dos orixinais remata
o 15 outubro de 2010.

5. O xurado estará composto por tres persoas
vinculadas á literatura galega e máis un/ha
secretario/a.

6. O premio terá unha dotación única de 1.500 €,
contía á que se lle aplicarán as retencións fiscais
oportunas. Inclúe ademais a publicación da
obra gañadora por parte do Concello de Bueu.
En todo caso, o premio, que é único e indivisible,
poderá declararse deserto.

7. A resolución do premio terá lugar a finais do
mes de decembro. A decisión do xurado,
ademais de comunicarse ó gañador ou gañadora
da convocatoria, anunciarase a través dos
medios de comunicación no transcurso da
semana anterior á entrega do premio.

8. As obras devolveranse por correo postal ás
autoras e autores que o soliciten no prazo de
dous meses contados dende o día seguinte ao
da resolución do xurado. Os traballos non reclamados
en prazo serán destruídos.

9. O Concello de Bueu resérvase durante un ano
os dereitos de publicación da obra premiada, en
tódalas linguas do Estado. Nese sentido, o/a
autor/a renuncia a favor do Concello, na 1ª
edición, a calquera tipo de remuneración polos
seus dereitos de autor/a. De existiren posteriores
edicións deberase facer constar que a obra
recibiu o “XIV Premio de Poesía Johán Carballeira”.

10. A participación nesta convocatoria implica a
aceptación das normas contidas nas presentes
bases, así como a decisión do xurado, que será
inapelable.

Máis información:
SERVIZO DE CULTURA
DO CONCELLO DE BUEU
986 324 338
cultura@concellodebueu.org
www.concellodebueu.org

Presentación da novela gráfica "O burato do Inferno"

2010-08-11T11:19:00.003+02:00

FAKTORÍA K presenta a novela gráfica para adultos titulada “O BURATO DO INFERNO”, dos vigueses XOSÉ MANUEL TRIGO e RAMÓN TRIGO: unha historia ambientada no século XIX na Guarda, onde os raqueiros, piratas de terra, asaltaban e desvalixaban os barcos que facían encallar na costa aproveitando as noites de luar, cando prendían fogueiras que lles facían errar o rumbo.

“O burato do inferno” preséntase mañá, mércores 11 de agosto, ás 18:30 horas, na carpa da Rúa da BD, no marco do Salón Viñetas desde o Atlántico, na Coruña. A partir das 19:00 horas, os autores asinarán exemplares na caseta número 35 de KALANDRAKA e FAKTORÍA K.

Ao día seguinte, xoves 12 de agosto, Xosé Manuel e Ramón Trigo presentarán “O burato do inferno” no Museo do Mar do concello da Guarda (Atalaia do Paseo Marítimo). No acto, dende as 20:30 horas, participará tamén o escritor Marcos Calveiro.

----------------------------------------------------------

MÁIS INFORMACIÓN:

FAKTORÍA K DE LIBROS – KALANDRAKA: Tlf. 667 401 563 | comunicacion@faktoriakdelibros.com

BLOG K: http://www.kalandraka.com/blog/2010/08/10/presentacion-de-o-burato-do-inferno-la-cueva-del-infierno/

AUDICIÓNS 2010 (Museo Etnográfico Liste de Vigo)

2010-08-07T12:43:00.002+02:00

AUDICIÓNS 2010

SABADO, 7 DE AGOSTO 2010

A partir das 12.30 h. “ V Encontro ENTRE CULTURAS ”

· ASOCIACIÓN A.I.D.A Para La Integración y Desarrollo Africano

Actuación Musical: grupo THIOSSANE de percusión senegalés. Djembe, diversos tambores africanos e outros instrumentos.

Intercambio cultural de experiencias a través da música, costumes e tradicións que mostran a súa identidade e nos achegan á realidade e diversidade africana.

DATA: 7 de agosto 2010

LUGAR: Finca que bordea o Museo

HORA: 12.30 h.

DURACIÓN: Aprox. 60 minutos

ENTRADA LIBRE

PINCHAR NA IMAXE PARA AMPLIAR

2010-07-21T12:51:00.002+02:00

PRESENTACIÓN DO LIBRO "PEDRAS LABRADAS" de Amante Romero Álvarez

2010-06-01T19:51:00.004+02:00

Presentación do libro "Pedras Labradas" de Amante Romero Álvarez
Casa da Cultura de Redondela (Pontevedra)
Venres, 11 de xuño de 2010, ás 20,00h
Presenta: Suso Cameselle Ben

Interveñen:

Mª Ánxeles Babarro, Concelleira de Normalización lingüística e Eduardo Reguera, Concelleiro de Cultura.

Colaboración especial de Mª José e a súa guitarra.

DÍA DÁS LETRAS GALEGAS

2010-05-12T18:22:00.003+02:00

Uxío Novoneyra, protagonista do Día dás Letras Galegas 2010

A RAG dedicará o próximo 17 de maio á figura do poeta de Parada do Caurel

O plenario da Real Academia Galega decidiu dedicar o 17 de maio próximo, Día dás Letras Galegas de 2010, ao poeta Uxío Novoneyra (Parada do Courel 1930-Santiago de Compostela 1999).

Novoneyra naceu o 19 de xaneiro de 1930 en Parada do Courel no seo dunha familia labradora. De estudante en Lugo, coñeceu a Manuel María e ambos frecuentaron o trato de intelectuais da anterior xeración, como Luís Pimentel, Anxel Fole, Celestino Fernández de la Vega ou Ramón Piñeiro.

Novoneyra foi un dos poetas máis relevantes en lingua galega de todos os tempos. A obra do poeta está enraizada na tradición e no popular.

Con todo é, ao mesmo tempo, vangardista. Fillo de labregos, naceu na montaña lucense, en Parada do Caurel en 1930, e dedicou a súa obra a inmortalizar a bela paisaxe da serra. Vinculado tamén ás vangardas, na súa obra destaca o lirismo da palabra.

Dende o Grupo Poético Brétema vaia a nosa pequena contribución á figura e obra do poeta do Caurel.

Escolma de poemas de Uxío Novoneyra:

COUSOS do lobo!

Caborcos do xabarín!

Eidos solos

onde niguén foi nin ha d'ir!

O lobo! Os ollos o lombo do lobo!

Baixa o lobo polo ollo do bosco

movendo nas flairas dos teixos

ruxindo na folla dos carreiros

en busca da vagoada máis sola e máis medosa...

Rastrexa

párase e venta

finca a pouta ergue a testa e oula cara o ceo

con toda a sombra da noite na boca.

Uxio Novoneyra

OS EIDOS

Cousos do lobo!
Caborcos do xabarín!
Eidos solos
Onde ninguén foi nin ha de ir!
O lobo! Os ollos o lombo do lobo!
Baixa o lobo polo ollo do bosco
Movendo nas flairas dos teixos
Ruxindo na folla dos carreiros
En busca da vagoada máis sola e máis medosa...
Rastrexa
Párase e venta
Finca a pouta ergue a testa e oula cara o ceo
Con toda a sombra da noite na boca.

Uxío Novoneyra

Porta Xorda 1966

PORTA xorda cravada a forza que o pulo sabe!
Dente puño teso a premer valeiro!
Cando volva o vento

Serás ti Libertá ou soamente abalar de árbores?

Rota a corda que tempera a forza do sino
Un pobo enteiro rébrese no tempo

Folga Xeral contra da Historia.

Compría agouxarse en calquer ichó
Mais seguín fora a xistra
Velando norde estrela longa brillo atuido.
Alguén chama. Alguén agarda
Corazón tente
Sostén a gran nembranza.

Uxío Novoneyra

TOMÁS CAMACHO (Biografía)

2010-05-07T09:52:00.004+02:00

Estudió con los maestros José Tomás, Andrés Segovia, John Williams y Leo Brouwer.

Ha sido catedrático del Conservatorio Superior de Música de Vigo y fue director de este centro de1986 a 1995. También dirigió el Conservatorio Profesional de Música de Ourense

Ha ofrecido conciertos en Europa y Asia: Londres, París, Bonn, Munich, Seúl, Tokyo., y participado en Festivales Internacionales (Dublín Arts Festival, Festival de Guitare de Liège, Andrés Segovia Festival etc.)

Ha actuado para la Radio y Televisión de Alemania, Yugoslavia, Portugal, Francia y España.

Frecuentemente es invitado a ofrecer cursos de perfeccionamiento en diversos países de Europa.

Es autor de numerosas publicaciones didácticas y ha grabado varios C.Ds.: “ L. Brouwer”, “ El Laud de J.S. Bach”, y con la soprano Teresa Novoa “Concierto de Música Española”.

Desde hace varios años forma dúo con la soprano Teresa Novoa, siendo felicitados por la fundación "Victoria Kamy-Joaquín Rodrigo" por la interpretación de las obras del autor del "Concierto de Aranjuez”.

Ha interpretado con diferentes orquestas sinfónicas de España Portugal y Francia, los conciertos

de J. Rodrigo “Concierto de Aranjuez” y “Fantasía para un gentilhombre”. En 2002 realizó el estreno de “Sons de Bitácora” de Alberto Conde con la Orquesta Sinfónica de la EPMVC.

“..Tomás Camacho es un excelente guitarrista y magnífico

intérprete de mis obras..." JOAQUIN RODRIGO, .Madrid, 15-XI- 1991

“…Desde la primera de las notas a la última, su técnica le permite esa

honradez interpretativa que tan raramente se observa, pero, por encima

de ello sitúo su musicalidad...” ANTONIO IGLESIAS, crítico musical ABC.

“… Es una alegría oír a Tomás Camacho en acentos, tempos y

colores que permanecen en mi memoria [,...]. fue un placer reconocer

viejos toques de poesía en mi música ..." LEO BROUWER, compositor.

Córdoba, 3-VIII, 1998

Enlaces:

YouTube - Elegía a Federico García Lorca.mpg
YouTube - Miguel Hernández Naciones de la Tierra
YouTube - Era cano y moreno- Gaël Camacho.mpg
YouTube - Toro de España.mpg

http://www.galegos.info/es/tomas-camacho-muelas

POÉTICAS PARA UNHA VIDA, 2010

2010-05-03T12:37:00.002+02:00

POÉTICAS PARA UNHA VIDA, 2010
(Ciclo de poesía oral, experimental e de acción)

Do 7 ao 22 de maio, VERBUM-CASA DAS PALABRAS, Vigo (Av. Samil, s/n)

PROGRAMACIÓN

7 de Mayo, 20 h: CARMEN KRUKEMBERG (Intervén ao violonchelo SUSANA BLANCO NOVA)

8 de Mayo, 20 h: YOLANDA CASTAÑO (recital, performance)

8 de Mayo, 21 h: CÍA DAVID FERNÁNDEZ (poesía escénica)

14 de Mayo, 20 h: MICROPOETISA AJO (polipoesía)

14 de mayo, 21 h: QUICO CADAVAL (estreo da performance ON AIR)

15 de Mayo, 17 h: DAX 31 (poesía de acción na rúa Princesa. Areta González, Noelia Fernández e Emilio Zörn).

15 de Mayo, 20 h: INÉDITOS LIBRES. Marcos de la Fuente / Bea Romarty / Sociedad Psicogeográfica de Salamanca (Emilio Papel – Luis Somoza) / Penúltimo acto- Grupo de acción poética.

21 DE Mayo, 20 h: ANTÓN LOPO (poesía de acción)

21 de Mayo, 21 h: AVELINO SAAVEDRA (poesía sonora)

22 de Mayo, 20 h: ESTELA LLOVES (danza /poesía)

22 de Mayo, 21 h: AD HOC (poesía visual y de acción. Colectivo formado por Antonio Rivas, Pedro Lamas, Ramón Cruces e Lois G. Magariños)

Mostra de videopoemas (EXTENSIÓN MOV) Proxección continua ao longo de todos os días que dure o ciclo. Lista de seleccionados: Alexia Miranda (El Salvador) / Patricio Munita (Santiago de Chile) / Francesca Fini (Roma) / Javier Seco (Granada) / Kenji Ouellet (Berlín) / Agustín Calvo Galán (Barcelona) /El taller de Zenón (Sevilla) / Alejandro Uribe (México) / Silvia Hernández / Francisco López (Teruel) / Silvio de Gracia (Buenos Aires)

Mostra de ENSAMBLADOS DE POESÍA CORREO (poesía experimental):

Velpister / Daniel de Culla / Hugo Pontes / F. Xavier Forés / Carmela Mayor / Lourdes Carcedo /Amarilys Quintero Ruiz / Silvia Hernández / Petra Secikova / Vanesa Díaz / Miguel Jiménez / Luz y Cía / José Carlos Velázquez / Kiichi Nakamura / Sergi Quiñonero / César Reglero / Isabel Joverm / Bartolomé Ferrando / Thara E. Sarmiento / Emerenciano / Emilio Zörn

"Ovelliña dáme la", esta tarde en LIBROS PARA SOÑAR

2010-03-26T14:11:00.001+01:00

UN CONTO ABRIGOSO PARA IR DESPEDINDO O MES DE MARZO

LIBROS PARA SOÑAR conclúe hoxe o ciclo de actividades infantís sobre autores e ilustradores portugueses. “Ovelliña dáme la”, de Isabel Martins e Yara Kono, será un dos relatos protagonistas do repertorio desta tarde, a partir das 18:30 horas. Este conto editado por KALANDRAKA, obtivo unha mención de honra no Premio Internacional Compostela de Álbum Ilustrado.

Trátase dun conxunto de versos dialogados e áxiles que, mediante unha estrutura repetitiva, van enumerando as prendas que se poden facer con la de ovella: xerseis, gorros, bufandas, abrigos, medias... Un libro vistoso e colorido co que os primeiros lectores se poden familiarizar coa roupa, as partes do corpo, as materias primas e mesmo os rigores do tempo.

A sesión de contos rematará cun obradoiro de figuras recurtables que os nenos e nenas poderán vestir, debuxando, coloreando e recurtando os seus propios deseños. E con motivo da celebración da Festa da Reconquista en Vigo, LIBROS PARA SOÑAR abre as súas portas este fin de semana, tanto sábado como domingo.

LIBROS PARA SOÑAR: r/ Triunfo 1, Vigo | 986 433 768 | lps@kalandraka.com

http://www.kalandraka.com/blog/2010/03/26/abrigate-do-mal-tempo-en-libros-para-sonar/

LIBROS PARA SOÑAR RECIBE ESTE VENRES Á NARRADORA BRASILEIRA CLARA HADDAD

2010-03-10T23:56:00.004+01:00

LIBROS PARA SOÑAR RECIBE ESTE VENRES Á NARRADORA BRASILEIRA CLARA HADDAD

A narradora brasileira Clara Haddad, afincada en Portugal,
é a invitada especial da sesión infantil de contos que se
celebrará este venres día 12 en LIBROS PARA SOÑAR a
partir das 18:30 horas. No marco das actividades de
animación á lectura adicadas aos autores, ilustradores e
álbums procedentes do país veciño, Clara Haddad vai
centrar a súa actuación en obras de orixe brasileira,
portuguesa e galega.
Con este repertorio arredor do ámbito da lusofonía, a
sesión completarase coa participación do equipo de
contacontos de LIBROS PARA SOÑAR, que narrará “P de
papá”, un libro de Isabel Martins e Bernardo Carvalho,
editado por KALANDRAKA en homenaxe a todos os pais,
que celebran o seu día o próximo 19 de marzo.
Clara Haddad naceu en Sao Paulo, é actriz profesional e
contadora de historias. Presentou os seus espectáculos en
varios países, como Bélxica, Perú ou Venezuela, ademais
de Brasil, Portugal e España. O seu repertorio contén
contos da tradición árabe, brasileira, portuguesa e
africana. Tamén imparte cursos e obradoiros sobre
narración, danza e teatro. Forma parte da Rede
Internacional de Contacontos.
A seguinte sesión de contos deste mes de marzo será o
venres 26, na que a obra protagonista será “Ovelliña dáme
la”, de Isabel Martins e Yara Kono. Editado por
KALANDRAKA, este álbum foi distinguido cunha mención
de honra do Premio Internacional Compostela.

LIBROS PARA SOÑAR | r/ Triunfo, 1. Vigo | 986 43 37 68 | lps@kalandraka.com