FESTA DE ENTROIDO

LIBROS PARA SOÑAR CELEBRA MAÑÁ A SÚA FESTA DE ENTROIDO

CON CONTOS SOBRE O AMOR E OBRADOIRO DE MAQUILLAXE

LIBROS PARA SOÑAR celebra mañá venres, a partir das 18:30, a súa habitual sesión de

animación á lectura, que estará adicada ao Entroido. Os visitantes da libraría infantil do Casco

Vello acudirán disfrazados á súa cita semanal cos libros e coa oralidade; por un día

converteranse en princesas, heroes, piratas, fadas e personaxes dos seus contos favoritos.

Tamén haberá un obradoiro de maquillaxe para que todos luzan a mellor caracterización acorde

ao vestiario dun día tan especial.

E coa cercanía do Día dos Namorados, este domingo 14 de febreiro, algúns dos relatos incluidos

no repertorio tratarán sobre o amor: “Hilderita e Maximiliano”, de Fernando Krahn, editado por

KALANDRAKA, e “Crocodilo namorado”, de Daniela Kulot, pertencente ao selo FAKTORÍA K,

farán agromar os sorrisos dos cativos. A célebre historia da parella de xoaniñas que emprenden

xuntas unha romántica viaxe, ou as estratexias de Crocodilo para chamar a atención de Xirafa

serán os principais alicientes da sesión infantil.

Ademais, o próximo mércores día 24 a partir das 17:30 horas, celebrarase unha nova sesión de

contos para bebés e nen@s ata tres anos, acompañados dos seus pais e nais. Esta actividade

especial que ofrece LIBROS PARA SOÑAR ten unha duración aproximada de 30 minutos:

baséase en contidos asequibles para os cativos, nos que prima o factor visual e a expresión

corporal. Tamén se ofrecen consellos e pautas de actuación no ámbito familiar para rodealos

dos materiais máis axeitados á súa idade.

LIBROS PARA SOÑAR | r/ Triunfo, 1. Vigo | 986 43 37 68 | lps@kalandraka.com